Россиянинг Ингушетия республикаси Назран шаҳри мэри Алихан Тумгоев ҳудуднинг энг кекса саховатпеша муслимасига мукофот топширди. Муслима деярли ярим асрдан бери кам таъминланган оилаларга тўқилган кийим-кечаклар тарқатади. Бу ҳақда шаҳар маъмурияти матбуот хизматида маълумот берилди.
Шаҳар раҳбарининг шахсан ўзи 109 ёшли Патимат Мержоевани табриклаш учун ташриф буюрди.
“Бугун мен 109 ёшли Патимат Мержоеваникида меҳмонда бўлдим. У республикамизнинг энг кекса саховатли муслимаси деб топилди. У кам таъминланган оилаларга ўзи томонидан тўқилган 1200 дан ортиқ кийим-кечакларни совға қилди. Тўқиш билан онахон 40 йилдан бери шуғулланади. Икки кун давомида битирган иссиқ кийимларини таниш-билишлари, қариндошлари орқали суриштириб билган эҳтиёжманд оилаларга туҳфа қилади”, – деди мэр.
Унинг сўзларига кўра, нуроний ёшига қарамасдан, муслима соғлиғидан шикоят қилмайди ва севган машғулотидан воз кечмайди. У 8 нафар фарзандини вояга етказди, 18 нафар невара ва 35та чеваранинг меҳрибон бувижонисидир.

Fitrat.uz Ўзбекистон мусулмонлари идораси Тошкент вилояти вакиллиги