Бугун, 2022 йил 7 февраль куни Тошкент вилояти Зангиота туманидаги “Занги ота” мажмуасида вилоятнинг туманлар ва шаҳарлар бош имом-хатиблари учун йиғилиш бўлиб ўтди.
Тадбирни Тошкент вилояти бош мом-хатиби Жасурбек домла Раупов олиб борди.
Кун тартибидаги масалалар – Тошкент вилоятида атроф-муҳитни ободонлаштириш ва кўкаламзорлаштириш мақсадида турли мевали, манзарали дарахтлар экиш; имом-хатибларнинг ОАВ, интернет ҳамда медиа соҳасида фаоллигини ошириш ва бошқа масалалар муҳокама қилинди.
Айниқса, ижро интизоми ва кийиниш маданиятига эътибор қаратиш зарурлиги алоҳида таъкидланди.
– Халқимиз бугун юртимизда диний-маърифий соҳада яратилаётган шароитлардан унумли фойдаланиб, ўзларининг маърифий савиясини юксалтиришга интилмоқда, – деди Тошкент вилояти бош имом-хатиби Жасурбек домла Раупов. – Шу боис долзарб мавзуларда мўмин-мусулмонларга маърузалар қилиш, шунингдек, “Мухтасарул виқоя”, “Ҳидоя”, “Бадъул амолий”, “Ақидатут Таҳовия”, “Тажвид” каби китоблар асосида диний-маърифий суҳбатлар ўтказиш зарур. Бундай маърифий дастурларни фақат имом-хатиблар амалга ошириши зарур.
Йиғилиш сўнгида кун тартибидаги масалалрадан келиб чиқиб тегишли қарорлар қабул қилинди.