Бас, имон келтирган ва солиҳ амалларни
қилганларгина равзада 
хурсандчилик қилурлар.

Бош саҳифа / Мақолалар / Тотувлик – саодат кафолати

Тотувлик – саодат кафолати

Ислом шариати барча мусулмонларни, миллати, насл-насабидан қатъи назар, бир тану бир жон бўлиб ўзаро тотув яшашга буюради. Пайғамбаримиз Муҳаммад соллаллоҳу алайҳи ва саллам Видолашув ҳажида қилган хутбаларида: «Ҳар бир мусулмон бошқа бир мусулмонни ака-укасидир. Албатта, мусулмонлар ўзаро биродардирлар. Эй инсонлар, албатта, Раббингиз бирдир, отангиз бирдир. Огоҳ бўлинг, арабни нгажамдан, қоранинг қизил танлидан, қизилнинг қора танлидан ортиқлиги йўқдир. Устунлик фақат тақво билан бўлади», деб марҳамат қилганлар.

У зот сўзларида давом этиб: «Сизларнинг молларингиз, қонларингиз ва обрўларингиз ушбу кунингиз, ушбу ойингиз ушбу шаҳрингиз каби ҳаромдир. Ҳозир бўлган ғойибга етказсин», дедилар.
Набий соллоллоҳу алайҳи ва саллам одамларни ота-боболарининг насл-насаблари билан фахирланишдан қайтардилар.

Ҳаж амалларини адо этишда барча Ислом уммати тенг эканлиги, бири бошқасидан устун эмасалиги, балки устунлик фақат тақво билан бўлиши хабарини бердилар.

Ўша пайтларда баъзи қавмлар ўзларини олий табақа санаб, насл-насаблари билан фахрланиб, бошқаларга нисбатан ўзларини устун ҳисоблашар эди.

Шу боис у зот соллоллоҳу алайҳи ва саллам ҳажга келган барча ҳожиларга хутба қилиб, инсонлар бир-бирларидан устун эмаслиги, барча уммат бир эканлигини эълон қилдилар. Шу кундан эътиборан барча мусулмонлар ҳаж амалларини бажаришда битта жонлиқ, битта талбия ва бир хил либосда жамланадилар. Бойларни камбағаллардан, бошлиқларни қўл остидагилардан ҳеч қандай фарқи йўқ. Уларнинг барчалари бир чақириқ, бир такбир ва бир таҳлил ҳамда битта ҳамду сано остида У Зотдан ўзга илоҳ йўқ бўлган ёлғиз Аллоҳга холис ёлбориб ибодат қиладилар.
Буларнинг барчаси Ислом умматининг бирлик рамзидир.

Нуриддин АКРОМОВ,
Янгийўл тумани «Халқобод» жоме масжиди имом ноиби

[carousel-horizontal-posts-content-slider]