ҲАЖ КУНЛАРИ БОШЛАНДИ

Бу йилга ҳаж ҳар қачонгидан ҳам юқори савияда ташкил этилгани, барча шарт-шароитлар яратилгани билан алоҳида ажралиб туради. Бундай имкониятларга эга ҳолда ҳаж арконларини адо этишнинг файзи ва шукуҳи ўзгача, албатта.

Куни кеча, яъни 2022 йил 6 июль куни Ўзбекистондан Маккаи мукаррамага Исломнинг бешинчи рукни бўлмиш ҳаж ибодатини адо этиш учун борган 12 минг нафардан зиёд юртдошларимиз, шу жумладан, Тошкент вилоятидан 800 нафардан зиёд зиёратчи оппоқ эҳромга бурканиб, “лаббайкаллоҳумма”ни айтиб меҳмонхоналардан Мино водийси сари йўлга чиқишди.

Азизлар, ҳаж кунлари бошланди. Ҳаж кунлари жами беш кун бўлиб, улар зулҳижжа ойининг саккизинчи, тўққизинчи, ўнинчи, ўн биринчи, ўн иккинчи   кунларидир. Ушбу кунлардан тўрттаси Мино кунларидир. Улар саккизинчи, ўнинчи, ўн биринчи, ўн иккинчи зулҳижжа кунларидир. Тўққизинчи зулҳижжа Мино куни ҳисобланмайди, балки у арафа кунидир. Шу боис арафадан олдин бир кун ва арафадан кейин уч кун Мино кунлари ҳисобланади.

Ойша розийаллоҳу анҳодан ривоят қилинади. Расулуллоҳ соллаллоҳу алайҳи ва саллам дедилар: «Аллоҳ таоло бирон кун Арафа куничалик кўп бандани дўзахдан озод этмайди. У яқинлашиб, сўнг дўзахдан озод қилган бандалари билан фаришталар олдида фахрланади…» (Имом Муслим ривояти).

Дарвоқае, барчамиз ҳадиси шарифда айтилган фазилатларга эга бўлайлик, иншоаллоҳ.

Бугун, яъни 7 июль Зyлҳижжa oйининг caккизинчи кyни (бy кyн бизда “ёлғoн apaфa”, apaбчaдa эca “тapвия кyни” дeйилади). Айни пайтда ҳожиларимиз Mинoдa тоату ибодат ва дуолар билан банд.

Аллоҳ таоло барча ҳожиларимизнинг ҳажларини мабрур, гуноҳларини мағфур, саъйларини машкур қилсин!