Афғонистонликларнинг аксари ночорликда кун кечирмоқда. Жаҳон банки қашшоқликка қарши курашиш мақсадида Афғонистонга деярли 500 миллион доллар ажратди. Бу маблағ қочқинларга ёрдам кўрсатиш, кам таъминланган оилаларни қўллаб – қувватлаш, қишлоқ жойларида электрлаштириш ва йўл қуриш ишларини амалга ошириш, шунингдек ишлаб чиқариш ҳавфсизлигини таъминлашга йўналтирилади. Хусусан, йўл қуриш учун 100 миллион доллар, электрлаштириш учун – 60 миллион, қочқинларни қўллаб – қувватлаш учун – 44 миллиондан ортиқроқ, шаҳарларни ривожлантириш учун эса – 20 миллион доллар сарфланиши режалаштирилган. Афғонистон молия вазирининг таъкидлашича, бу маблағлар самарали тарзда тақсимланади.