Басимон келтирган ва солиҳ амалларни
қилганларгина равзада 
хурсандчилик қилурлар.

Бош саҳифа / Хабарлар / «СИЗ БИЗГА КЕРАКСИЗ!»

«СИЗ БИЗГА КЕРАКСИЗ!»

Юртимизда ҳеч бир инсон меҳр ва эътибордан четда эмас. Барча фуқаролар давлатимиз ва ҳукуматимиз ғамхўрлигида умргузаронлик қилмоқда.

Куни кеча Зангиота тумани “Зангиота” мажмуаси масжидида “Сиз бизга кераксиз!” шиори остида “Миссионерликдан огоҳ бўлинг!” мавзусида тадбир бўлиб ўтди.

Учрашувни Ўзбекистон мусулмонлари идораси Тошкент вилояти вакиллиги бош имом-хатиби Жасурбек домла Раупов кириш сўзи билан очиб берди.

Тадбирни Тошкент вилояти ҳокимининг жамоат ва диний ташкилотлар билан алоқалар бўйича ўринбосари Зокир Ҳидоятов юртимизда имконияти чекланган фуқаролар учун кўрсатилаётган ғамхўрликлар борасидаги маълумотлар билан давом эттирди.

Шунингдек, Ўзбекистон мусулмонлари идораси мутахассиси Мунира Абубакированинг кўргазмали ҳамда Зангиота тумани бош имом-хатиби Илёс Шокировнинг “Миссионерликдан огоҳ бўлинг!” мавзусидага маърузалари йиғилганларга манзур бўлди.

Учрашув қизғин кечди. Жисмоний имконияти чекланган фуқароларни қизиқтирган саволларга мутахассислар атрофлича жавоб қайтаришди.

Тадбир кўтаринки руҳда, байрамона кайфиятда ўтди.

Йиғилиш якунида “Вақф” хайрия жамоат фонди томонидан учрашув ичтирокчилари учун дастурхон ёзилиб, ош тарқатилди.

Тошкент вилоят вакиллиги матбуот хизмати

Fikr bildirish

Email manzilingiz chop etilmaydi. Majburiy bandlar * bilan belgilangan

[carousel-horizontal-posts-content-slider]