Бас, имон келтирган ва солиҳ амалларни
қилганларгина равзада 
хурсандчилик қилурлар.

Бош саҳифа / Хабарлар / ЯХШИЛИКНИНГ МУКОФОТИ ФАҚАТ ЯХШИЛИКДИР

ЯХШИЛИКНИНГ МУКОФОТИ ФАҚАТ ЯХШИЛИКДИР

Муқаддас динимиз доимо яхшилик қилишга ундайди. Аллоҳ таоло Ар-Раҳмон сурасининг 60-оятида: «Эҳсон (эзгулик)нинг мукофоти фақат эҳсон (эзгулик)дир», деб марҳамат қилади.

Ояти каримани ўзиларига шиор қилиб олган уламолар эҳтиёжманд оилаларга кўмак бериб, уларнинг кўнгилларини кўтаришмоқда.

Ўзбекистон мусулмонлари идораси раиси ўринбосари Ҳомиджон қори Ишматбеков ва Ангрен шаҳар бош имом-хатиби Яҳёхон Бобохонов ҳудуддаги кам таъминланган оилаларга “Вақф” хайрия жамоат фонди ажратган эҳсонни топширишди.

* * *

Шунингдек, Абдуллоҳ домла Йўлдошев ҳамда Обиджон домла Мирҳамидов Оққўрғон туманида бўлишиб, кам таъминланган оилаларга “Вақф” фонди томонидан берилган моддий ёрдамлар ҳамда совғаларни улашди.

* * *

Янгийўл туманидаги “Умид” маҳалла фуқаролар йиғинида яшовчи эҳтиёжманд оилалар ҳам “Вақф”нинг мурувватидан бебаҳра қолмади. Абдуқаҳҳор домла Юнусов, Миродил домла Миржалилов ҳамда Қамариддин домла Қамбаровлар моддий ёрдам ва совғаларни ҳақдорларга етказишди.

Аллоҳ таоло эҳсонларни даргоҳида қабул қилсин.

[carousel-horizontal-posts-content-slider]