Fitrat.uz Ўзбекистон мусулмонлари идораси Тошкент вилояти вакиллиги
Янги Зеландияда Ислом хотин-қизлар кенгашининг умуммиллий конференцияси бўлиб ўтди. Тадбирда Янги Зеландия бош вазири Жасинда Ардерн ҳам иштирок этди. Ҳукумат раҳбари йиғилганлар олдига мусулмонларга эҳтиром ўлароқ рўмол ўраб чиқди ва ўз нутқини мусулмонларга хос бўлган саломлашиш: “Ассалому алайкум”, деб бошлади.
Форумда Крайстчерчдаги масжидларда содир этилган терактлар мавзуси яна кўтарилди. Жасинда Ардерн ўз чиқишида охирги ойлар мамлакат учун ўта оғир кечганлигини таъкидлади ва йиғилганларнинг саволларига жавоб берди.
