Басимон келтирган ва солиҳ амалларни қилганларгина равзада хурсандчилик қилурлар.

Бош саҳифа / Хабарлар / Ҳаром маҳсулотнинг яна бир зарарли жиҳати аниқланди

Ҳаром маҳсулотнинг яна бир зарарли жиҳати аниқланди

Тамаки маҳсулотлари нафақат ўпка саратони ва юрак-қон тизими билан боғлиқ муаммоларнинг келиб чиқишига сабаб бўлади, балки эшитиш қобилиятининг йўқолиш хавфини ҳам сезиларли даражада орттиради. Бу ҳақда Nicotine and Tobacco Research журналида чоп этилган мақолада айтилади. Тадқиқотлар натижасида тамаки истеъмол қилувчилар чекмайдиганларга нисбатан 1,6 баробар кўпроқ эшитиш қобилиятини йўқотиши аниқланди. Мутахассислар Япониянинг 20 – 64 ёш оралиғидаги 50 мингдан зиёд аҳолисининг маълумотларини таҳлил қилишди. Тадқиқот бошланганда, уларнинг ҳеч бирида эшитиш билан боғлиқ муаммолар бўлмаган. Охирги 8 йил мобайнида мутахассислар вақти-вақти билан тадқиқот иштирокчиларидан чекиш-чекмасликларини, агар чексалар қанча миқдорда чекишларини аниқлаб бордилар. Бундан ташқари, уларнинг эшитиш қобилияти ҳам текшириб борилди. Натижалар кашандаларнинг эшитиш қобилияти кўпроқ азият чекканлигини кўрсатди. Тадқиқот мобайнида мутахассислар жинс, ёш, вазн каби кўрсаткичларга ҳам эътибор қаратдилар.